ՀՀ Ազգային Ժողովի փոխնախագահ, Հայաստան-Վիետնամ բարեկամական խմբի նախագահ Վահե Էնֆիաջյանի աշխատանքային այցը Վիետնամի Սոցիալիստական Հանրապետություն:

06 նոյեմբերի, 2019

Հայաստանի Հանրապետության Ազգային Ժողովի փոխնախագահ, Հայաստան-Վիետնամ բարեկամական խմբի նախագահ Վահե Էնֆիաջյանը, 2019 թվականի նոյեմբերի 6-9-ը Վիետնամի Սոցիալիստական Հանրապետության կատարած աշխատանքային այցի շրջանակներում հանդիպել է Վիետնամի Սոցիալիստական հանրապետության Ազգային Ժողովի նախագահ Նգույեն Տի Կիմ Նգայի, փոխնախագահ տիկին Թոն Թին Ֆոնգի, ԱԺ արտաքին կապերի հանձնաժողովի փոխնախագահ, Վիետնամ-Հայաստան բարեկամության խմբի նախագահ Նգույեն Ման Տիենի հետ:

Հանդիպումների ժամանակ կողմերը քննարկել են Հայաստանի և Վիետնամի միջև առկա երկուստեք հետաքրքրություն և հեռանկարներ ունեցող ոլորտներում համագործակցության հետագա զարգացմանը և խորացմանը վերաբերող մի շարք կարևոր հարցեր:

Հանդիպումների ժամանակ կողմերն ընդգծել են, որ երկու երկրների խորհրդարանների միջև առկա է փոխգործակցության մեծ ներուժ, որը հարկավոր է ուղղել երկկողմ և բազմակողմ համագործակցության արդյունավետության բարձրացմանը:

Հանդիպումների ժամանակ ՀՀ Ազգային Ժողովի փոխնախագահ Վահե Էնֆիաջյանը նշել է, որ միջխորհրդարանական և տնտեսական ոլորտներում համագործակցության զարգացումը հանդիսանում է երկկողմ հարաբերությունների օրակարգում առկա առանցքային կարևորություն ունեցող ուղղություններից են:

Պարոն Էնֆիջյանը հանդիպումների ժամանակ նաև պատրաստակամություն է հայտնել իր ներդրումն ունենալ հայ-վիետնամական բարեկամական հարաբերությունների և տարբեր ոլորտներում փոխշահավետ համագործակցության զարգացման ու ամրապնդման գործում և միջխորհրդարանական դիվանագիտական հարաբերությունների զարգացումն ու շփումներն ավելի հաճախակի դարձնելու ուղղությամբ:

Վիետնամի Սոցիալիստական Հանրապետության կատարած աշխատանքային այցի շրջանակներում ՀՀ ԱԺ փոխնախագահ Վահե Էնֆիաջյանը և պատվիրակությունն այցելել են Դանանգ քաղաք, որտեղ հանդիպել է ՎՍՀ կոմունիստական կուսակցության Դանանգի ժողովրդական խորհրդի նախագահ (քաղաքապետ) Նգույեն Նհո Չունգի հետ:

Հայաստանի Հանրապետության Ազգային Ժողովի փոխնախագահ Վահե Էնֆիաջյանին Վիետնամի Սոցիալիստական Հանրապետության կատարած աշխատանքային այցի ընթացքում ուղեկցում էին ՀՀ Ազգային Ժողովի պատգամավորներ, Հայաստան-Վիետնամ բարեկամական խմբի անդամներ Վահե Ղալումյանը և Մաթևոս Ասատրյանը («Իմ քայլը» խմբակցություն) և Կարեն Սիմոնյանը («Բարգավաճ Հայաստան» խմբակցություն):

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր